Ótrúleg linkind gagnvart nauðgurum

Það er eitt sem ég hef ekki skilið varðandi refsingu við kynferðisofbeldi gagnvart börnum. Af hverju er þetta talinn vera einn glæpur þegar um er að ræða kannski margar nauðganir?

Nú veit ég ekki nákvæmlega hver refsingin við nauðgun er í dag en gefum okkur að hún sé sex mánuðir, flestum myndi finnast að hún ætti að vera þyngri, en gefum okkur þessa forsendu.

Ef kynferðisafbrotamaður brýtur gegn barni, segjum tvisvar í mánuði í tvö ár, þá eru þetta í rauninni 24 nauðganir svo að refsingin ætti að vera 24 sinnum sex mánuðir eða samtals 12 ár. Eins og staðan er í dag þá er eins og brotamaðurinn fái "afslátt" af refsingunni ef hann brýtur oftar af sér!!!

Fyrir utan það að glæpur gegn barni er alvarlegri en glæpur gegn fullorðinni konu að mínu mati svo að refsingin ætti að vera harðari.

 

Harðar tekið á nauðgun fullorðinna en barna

Athugasemdir

[Halldór Benediktsson, 4.10.2010 kl. 15:33]

Kannski vegna þess að eitt skipti eða mörg hafa svipuð áhrif á þolanda og að það er lítið réttlæti falið í því að refsa einhverjum minna vegna þess að hann nauðgaði barni bara einu sinni.

Annars skil ég hvert þú ert að fara og það mætti alveg gefa minni "afslátt" í sumum tilvikum.

[Ólafur Jóhannsson, 4.10.2010 kl. 16:37]

En hvað með brotaviljann?

Mér skilst að í nauðgunarmálum sé oft um að ræða stundarbrjálæði og "greddu"  þó ég sé alls ekki að afsaka það, en í kynferðisafbrotum gagnvart börnum sem standa kannski yfir í langan tíma er alveg augljóslega mjög einbeittur brotavilji til staðar. Það er allavega ekki hægt að fela sig á bak við stundarbrjálæði. 

[Magnús (IP-tala skráð) 4.10.2010 kl. 18:40]

Strákar mínir, lesiði nú hegningarlögin og kynnið ykkur hvað það er sem dómarar þurfa að hafa til hliðsjónar við ákvörðun refsingar. Það er margt sem hefur áhrif á refsingu. Að lesa hegningarlög er alveg á færi almennings.